相關內容
- 平民食店掀放題風潮
- 廟街的平民飯店推出68元免茶免芥任食小菜、海鮮和煲仔飯，限時一小時。
- 老閭期望任食可吸引人流，帶旺整條街。
【晴報專訊】荃灣茶餐廳首推放題引起全民討論，前日再有位於廟街的平民飯店推出68元免茶免芥任食小菜、海鮮和煲仔飯，限時一小時，宣傳單張已在facebook、WhatsApp瘋傳。老闆指年年淡季都蝕錢，推放題想「帶旺條街」外、亦希望港人可以「食好啲」。
廟街33號和興飯店開業約三年，舖面約有200呎，有約20多個座位，昨午記者到訪時，餐廳因只做晚市，還未開檔；員工表示如果晚市生意好，會擺街邊，可以坐到50至60人。
做了飲食業十多年的老闆李先生表示，早幾年已有推出「任食」意念，「政府派六千蚊嗰年，我喺舊舖推出過60蚊自助餐，不過可能當年政府派錢，街坊『疏爽』，反應麻麻。」
今次推任食都為「抗通脹」，李指現時香港人賺錢不容易，到大牌檔食飯，都「就住叫」，「兩個人食飯，可能只叫兩個煲仔飯加個蠔餅。香港人工作辛苦，想畀平民價佢哋，可以食好啲。」
老闆：「反正都蝕本」
第一晚放題是否大排長龍？李直言，第一晚未引起街坊、食客太大回響，只得五、六枱客。他表示，普遍食客都擔心限時一小時，上菜可能不夠快，「昨晚（前晚）有個客人坐低唔夠四分鐘就催起菜，最快都要十分鐘。」
李坦言，踏入春、夏季，天氣開始回暖，生意便會下跌，「基本上，年年五至九月都係廟街淡季，間間（食肆）都蝕錢，去年連大酒樓都蝕百幾萬。」他指反正都是蝕本，不如推新招試試用「放題」吸客，「本身都一定蝕錢，不如用任食吸引多啲人來，帶旺條街都好。」
租金狂升 薄利多銷尋生機
「任食」有得做，還是「做爛市」？浸大經濟系副教授巫伯雄表示，平民食肆之所以會推出「任食」原因，因固定成本（即租金）不斷上升，難以負擔，惟有靠減少「邊際成本」，即食材、人工來營運。
巫伯雄解釋，「任食」可以宣傳餐廳，做到客如輪轉、薄利多銷，如果餐廳大量買入食材的話，即可減少食材成本，便有機會達至收支平衡。
記者：劉思諾
攝影：朱永倫
沒有留言:
張貼留言